ស្ត្រីទេសចរម្នាក់ត្រូវបានចាប់ខ្លួន ដោយសារអង្គុយក្រោមម្លប់ដើមត្នោតស្ថិតលើឆ្នេរខ្សាច់ “ស្អុយឈ្មោះ” ១ក្នុងប្រទេសម៉ិចស៊ីកូ
នេះគឺជាស្ថានការណ៍គួរឲ្យភ្ញាក់ផ្អើលមួយ ដែលស្ត្រីទេសចរសញ្ជាតិម៉ិចស៊ីកូដេកហាលថ្ងៃម្នាក់ ត្រូវបានចាប់ខ្លួន ខណៈនាងកំពុងអង្គុយក្រោមម្លប់ដើមត្នោត១ ដែលទុកបម្រុងសម្រាប់ភ្ញៀវទេសចរ ស្ថិតនៅលើឆ្នេរសមុទ្រ “ស្អុយឈ្មោះ” មួយ ក្នុងប្រទេសរបស់ខ្លួន ។
បើតាមប្រភពព័ត៌មាន បានឲ្យដឹងថា ស្ត្រីទេសចរឈ្មោះ Laura Alicia Caldero អាយុ ២៦ ឆ្នាំ បានទៅដេកហាលថ្ងៃនៅលើឆ្នេរសមុទ្រសាធារណៈមួយ នៃតំបន់ទេសចរណ៍ Quintana Roo ស្ថិតនៅភាគខាងកើតនៃប្រទេសម៉ិចស៊ីកូ, ប៉ុន្តែ នាងពិតជាពុំបានដឹងថា នាងកំពុងអង្គុយក្រោមម្លប់ដើមត្នោត “ឯកជន” ទេ ។
នាងបន្ទាប់មក ត្រូវបានចាប់វ៉ៃខ្នោះ នៅពេលនាងបដិសេធមិនបង់ប្រាក់ផាកពិន័យ ។
យ៉ាងណាមិញ វីដេអូនៃការចាប់ខ្លួនរបស់នាង បានរីករាលដាលយ៉ាងរហ័សនៅលើបណ្តាញ និងបង្កឲ្យពលរដ្ឋក្នុងតំបន់ជាច្រើន ផ្ទុះកំហឹងយ៉ាងខ្លាំងក្លាតែម្តង ចំពោះទង្វើបែបនេះ ។
យោងតាមមិត្តភ័ក្តិប្រុសៗរបស់នាង, ពួកឆ្មាំសន្តិសុខបានហាមពលរដ្ឋមិនឲ្យទៅកាន់ឆ្នេរខ្សាច់ ដែលស្ថិតនៅតំបន់ទេសចរណ៍ Quintana Roo នេះទេ ។
មិត្តភ័ក្តិប្រុសម្នាក់របស់នាងឈ្មោះ Marc Paez Chacon អាយុ ២៧ ឆ្នាំ និយាយថា ក្រុមរបស់ខ្លួនពុំបានទៅកាន់ឆ្នេរខ្សាច់នោះទេ, ប៉ុន្តែ បានកំពុងអង្គុយលេងក្រោមម្លប់ដើមត្នោតប៉ុណ្ណោះឯង ។
ទោះជាយ៉ាងណា ពួកឆ្មាំសន្តិសុខរំពេចមួយនោះ ក៏បានបង្ហាញខ្លួនចំពោះមុខពួកគេ និងទាមទារលុយពីពួកគេ សម្រាប់ការប្រើប្រាស់ដើមត្នោត ។ Chacon បន្តថា ដំបូង គឺពួកគេគិតស្មានថា វាជារឿងលេងសើច, ប៉ុន្តែ នៅពេលពួកគេបដិសេធពុំបង់លុយ ស្រាប់តែប៉ូលីសរករឿងតែម្តង ។
ប៉ូលីសបាននិយាយថា បុរស៣នាក់បានសម្រេចចិត្តបង់ប្រាក់ផាកពិន័យចំនួនប្រមាណ ១០៥ ដុល្លារ, ប៉ុន្តែ នាង Caldero បានបដិសេធមិនព្រមបង់លុយឲ្យ, ហេតុដូច្នេះ នាងក៏ត្រូវបានចាប់ខ្លួនទៅ ៕
ប្រភព: KSN-News
ប្រភពដើម: Dailymail
ប្រភព: KSN-News
ប្រភពដើម: Dailymail
ស្ត្រីទេសចរម្នាក់ត្រូវបានចាប់ខ្លួន ដោយសារអង្គុយក្រោមម្លប់ដើមត្នោតស្ថិតលើឆ្នេរខ្សាច់ “ស្អុយឈ្មោះ” ១ក្នុងប្រទេសម៉ិចស៊ីកូ
![ស្ត្រីទេសចរម្នាក់ត្រូវបានចាប់ខ្លួន ដោយសារអង្គុយក្រោមម្លប់ដើមត្នោតស្ថិតលើឆ្នេរខ្សាច់ “ស្អុយឈ្មោះ” ១ក្នុងប្រទេសម៉ិចស៊ីកូ]()
Reviewed by Bookworm
on
3:50 AM
Rating:
