អតិថិជនចោទថា ស្រាបៀរអង្គរមានផលិតនៅស្រុកយួន តែសរសេរអក្សរថាផលិតនិងច្រកកំប៉ុងនៅស្រុកខ្មែរ
ក្រុមអតិថិជនរបស់ក្រុមហ៊ុនស្រាបៀរកម្ពុជា ខេមប្រ៊ូវ (Cambrew Ltd.) ឬហៅថា ស្រាបៀរអង្គរ បាននាំគ្នាកត់សម្គាល់ និងចោទប្រកាន់ថា ស្រាបៀរអង្គរមានផលិតនៅប្រទេសវៀតណាម ប៉ុន្តែនៅលើកំប៉ុងស្រាបៀរនៅតែសរសេរអក្សរខ្មែរបញ្ជាក់ថា ផលិត និងច្រកកំប៉ុងដោយក្រុមហ៊ុនស្រាបៀរកម្ពុជា ខេមប្រ៊ូ នៅខេត្តព្រះសីហនុ កម្ពុជា ទៅវិញ ។
អតិថិជនរបស់ស្រាបៀរអង្គរ និងប្រិយមិត្តអ្នកលេងបណ្តាញព័ត៌មានសង្គម Facebook ដ៏ពេញនិយមនៅកម្ពុជា បានធ្វើការចង្អុលបង្ហាញអំពីរូបភាពខុសគ្នានៃការផលិត និងច្រកកំប៉ុងស្រាបៀរអង្គរនៅប្រទេសកម្ពុជាពិតប្រាកដ និងនៅស្រុកយួនថែមទៀតផង ។
ប្រិយមិត្តអ្នកលេងបណ្តាញព័ត៌មានសង្គម Facebook នៅកម្ពុជា បានធ្វើសំណូមពរឲ្យអ្នកគ្រប់គ្រងក្រុមហ៊ុនស្រាបៀរអង្គរបំភ្លឺបញ្ជាក់ក្នុងករណីនេះ តើពិត ឬមិនពិត ? ក្រុមអ្នកលេង Facebook ថែមទាំងបានបញ្ជាក់ទៀតថា ប្រសិនបើជាការពិត គឺពួកគេអតីតជាអតិថិជនស្រាបៀរអង្គរនឹងលែងទទួលទានស្រាបៀរអង្គរនេះហើយ ពីព្រោះជាផលិតផលដែលមានការក្លែងបន្លំអតិថិជន ។
ទោះយ៉ាងណាក៏ដោយ សារព័ត៌មានដើមត្នោតមិនទាន់អាចទំនាក់ទំនងសុំការបំភ្លឺបញ្ជាក់ពីអ្នកគ្រប់គ្រងក្រុមហ៊ុនស្រាបៀរអង្គរលើករណីនេះនៅឡើយ គិតត្រឹមថ្ងៃអង្គារ ទី០៧ ខែមេសា ឆ្នាំ២០១៥នេះ ៕
ប្រភព: ដើមត្នោត
ប្រភព: ដើមត្នោត
អតិថិជនចោទថា ស្រាបៀរអង្គរមានផលិតនៅស្រុកយួន តែសរសេរអក្សរថាផលិតនិងច្រកកំប៉ុងនៅស្រុកខ្មែរ
![អតិថិជនចោទថា ស្រាបៀរអង្គរមានផលិតនៅស្រុកយួន តែសរសេរអក្សរថាផលិតនិងច្រកកំប៉ុងនៅស្រុកខ្មែរ]()
Reviewed by Bookworm
on
8:06 AM
Rating:
