ឪពុកម្តាយយំបោកខ្លួន បន្ទាប់ពីឃាតកដៃឆៅ ចូលទៅសម្លាប់កូនប្រុស ដល់ក្នុងផ្ទះ
ខេត្ដរតនគិរី ៖ ក្មេងប្រុសម្នាក់ អាយុទើបតែ ១១ឆ្នាំ ពេលសម្រាកពីការរៀនសូត្រ បានទៅលេងឪពុកម្ដាយ នៅស្រុកកំណើត ត្រូវបានឃាតកសម្លាប់ ដោយយកក្រមា ចងដៃជើងនិងក ភ្ជាប់ទៅនឹងចម្រឹងបង្អួច និងមានស្កុតបិទមាត់ផងដែរ នៅក្នុង បន្ទប់ដេក ត្រូវបានបងស្រីបង្កើត ប្រទះឃើញកាលពីល្ងាចថ្ងៃទី៨ ខែមេសា ឆ្នាំ២០១៥ ពេលនាងវិលត្រលប់ មកពីធ្វើការវិញ។
ក្រុមគ្រួសារបានឱ្យដឹងថា ក្មេងប្រុសរងគ្រោះ មានឈ្មោះ ខូវ ជាន់គីម អាយុ ១១ឆ្នាំ មានទីលំនៅ ភូមិ-ឃុំ-ស្រុកអូរជុំ ខេត្ដរតនគិរី បច្ចុប្បន្នស្នាក់នៅ ផ្ទះបងប្អូន ក្នុងរាជធានីភ្នំពេញ ដើម្បីសិក្សា រៀនសូត្រ ហើយក្មេងប្រុសរងគ្រោះ ទើបតែទៅលេងផ្ទះ បាន ២-៣ថ្ងៃ បន្ទាប់ពីវ៉ាកងតូច។ នៅមុនពេលកើតហេតុ ម្ដាយឪពុកនិងបងស្រី បាននាំគ្នាចេញទៅធ្វើការ ហើយពេល ល្ងាច បងស្រីត្រលប់មកពី ធ្វើការវិញមិនឃើញជនរងគ្រោះ ក៏រុញទ្វារបន្ទប់ ស្រាប់តែប្រទះឃើញប្អូនប្រុស ស្លាប់ទាំងចំណងបាត់ទៅហើយ ទើបរាយការណ៍ប្រាប់សមត្ថកិច្ច ឲ្យចុះមកពិនិត្យ និងធ្វើកោសល្យវិច័យ៕ ដោយ បានលុង
ប្រភព: Watphnom-News
ឪពុកម្តាយយំបោកខ្លួន បន្ទាប់ពីឃាតកដៃឆៅ ចូលទៅសម្លាប់កូនប្រុស ដល់ក្នុងផ្ទះ
![ឪពុកម្តាយយំបោកខ្លួន បន្ទាប់ពីឃាតកដៃឆៅ ចូលទៅសម្លាប់កូនប្រុស ដល់ក្នុងផ្ទះ]()
Reviewed by Bookworm
on
4:04 AM
Rating:
