រថយន្តក្រុងក្រុមហ៊ុនវីរប៊ុនផាំ បើកជែងមិនប្រយ័ត្ន ជ្រុលបុករ៉ឺម៉កម៉ូតូ
ខេត្តកំពង់ចាម ៖ បុរសចំណាស់ម្នាក់បានរងរបួសធ្ងន់ គ្រាកំពុងជិះម៉ូតូសណ្តោងរ៉ឺម៉ក់ ហើយក៏ត្រូវ រថយន្តក្រុង១គ្រឿងរបស់ក្រុមហ៊ុនវីរប៊ុនផាំ បើកជែងរថយន្ត១គ្រឿងទៀត មកគៀរឲ្យដួល ។ ហេតុការណ៍នេះកើតឡើងកាលពីវេលាម៉ោង៥ និង៣០នាទី ព្រឹកថ្ងៃទី១០ ខែមេសា ឆ្នាំ២០១៥ នេះ នៅចំណុចកំណាត់ផ្លូវជាតិលេខ៦ ស្ថិតក្នុងភូមិភ្នំដិល ឃុំតាំងក្រាំង ស្រុកបាធាយ។
លោក សុខ សូល អធិការរងនគរបាលស្រុកបាធាយ បានឲ្យដឹងថា មុនពេលកើតហេតុ រថយន្តក្រុងខាងលើពណ៌សលាយក្រហម ពាក់ស្លាកលេខ 3C-3901 បានបើកបរតាមបណ្តោយផ្លូវខាងលើ ទិសដៅពីលិចទៅកើត ខណៈដល់ចំណុចកើតហេតុ ក៏បានបើកជែងរថយន្ត១គ្រឿងទៀតដោយខ្វះការប្រយ័ត្ន ក៏ជ្រុលទៅគៀររ៉ឺម៉កម៉ូតូ១គ្រឿង ពណ៌ក្រហម គ្មានស្លាកលេខ បើកដោយជនរងគ្រោះ ឈ្មោះ ម៉េង ងួន អាយុ៦២ឆ្នាំ ក្នុងទិសដៅច្រាស់គ្នា បណ្តាលឲ្យដួល រងរបួសធ្ងន់។ ក្រោយមកបង្កភា្លមៗតៃកុងរថយន្តបានចុះគេចខ្លួនបាត់ ដោយទុកអ្នកដំណើរចោលលើរថយន្តឲ្យចាំសាងរថយន្តផ្សេង១គ្រឿងទៀត។ ក្រោយកើតហេតុ ជនរងគ្រោះបានបញ្ជូនទៅសង្គ្រោះនៅមន្ទីរពេទ្យ ចំណែករថយន្ត និងរ៉ឺម៉កម៉ូតូ ត្រូវបានយកទៅរក្សាទុកដើម្បីរងចាំដោះស្រាយនាពេលក្រោយ៕
ប្រភព: ANN
រថយន្តក្រុងក្រុមហ៊ុនវីរប៊ុនផាំ បើកជែងមិនប្រយ័ត្ន ជ្រុលបុករ៉ឺម៉កម៉ូតូ
![រថយន្តក្រុងក្រុមហ៊ុនវីរប៊ុនផាំ បើកជែងមិនប្រយ័ត្ន ជ្រុលបុករ៉ឺម៉កម៉ូតូ]()
Reviewed by Bookworm
on
2:31 AM
Rating:
